كلاسسيكالىق ساداق اتۋدان ەرلەر اراسىنداعى فينالدا يلفات ابدۋللين ءۇندىستان سپورتشىسى ساچين گۋپتانى جەڭىپ, التىننان القا تاقتى.
ال قۇرالمالى ساداقپەن اتۋدان كوماندالىق سىندا قازاقستان ايەلدەر كومانداسى ۇزدىك ۇشتىكتى تۇيىندەدى. ەل نامىسىن ۆيكتوريا ليان, روكسانا يۋنۋسوۆا مەن ادەل جەكسەنبينوۆا قورعادى. وتانداستارىمىز كىشى فينالدا ليۋكسەنبۋرگ ۇجىمىنان باسىم ءتۇستى.
ايتا كەتەيىك, ءداستۇرلى باسەكەگە بيىل 30-عا جۋىق مەملەكەتتەن 330-دان استام مەرگەن قاتىستى. كەشە U18 جانە U21 جاس ساناتىندا قازاقستان سپورتشىلارى بىرنەشە جۇلدەگە يە بولدى. وسىنىڭ ناتيجەسىندە قازاقستان كومانداسى جالپىكوماندالىق ەسەپتە يتاليادان كەيىنگى 2-ورىنعا تۇراقتادى.
